Конкурс за работни стипендии

Фондацијата Отворено општество – Македонија (ФООМ) објавува конкурс за доделување грантови на граѓански организации во рамки на Проектот на УСАИД за граѓанско општество. Проектот обезбедува поддршка на граѓанското општество за поттикнување демократски реформи. Проектот е овозможен со поддршка од американскиот народ преку Агенцијата на САД за меѓународен развој (УСАИД).

Целта на конкурсот е да им овозможи на заинтересираните истражувачи и граѓански активисти да работат на постоечки истражувачки проекти во граѓански организации преку доделување мали грантови за работни стипендии во граѓански организации (грантови во износ до 2.400 американски долари).

Повеќе информации и материјали за пријавување се достапни на www.soros.org.mk.

Рок за поднесување на пријавите: 30 ноември, 2012 до 16:00 часот

Пријавите треба да се поднесат во ФООМ на бул. Јане Сандански 111, 1000 Скопје.