![](https://reactor.org.mk/wp-content/uploads/2023/10/20231017_103103-scaled.jpg)
На 17 октомври (вторник), 2023 година, во организација на Реактор – Истражување во акција, во просториите на Јавна Соба (Public Room), се одржа панел дискусија на тема: „Родово-базирана дискриминација на работното место – искуства и примери за унапредување на родовата еднаквост во Северна Македонија“.
Настанот отвори дискусија за состојбите со родово-базирана дискриминација на терен, политиките кои треба да ја адресираат и спречат оваа појава, како и практиките кои компаниите ги имплементираат во насока на унапредување на родовата еднаквост на работното место.
Во рамки на двата панели на настанот свое обраќање имаа Игор Јадровски, Комисија за спречување и заштита од дискриминација; Кристина Ампева, Гласен Текстилец; Наташа Петковска, Хелсиншки Комитет за човекови права; Софија Бојковска Дуковска, Адвокатска канцеларија Софија Бојковска; кои во првиот панел зборуваа за родово базираната дискриминација на пазар на труд во поглед на тековните политики, закони, но и состојби од терен и примери од судска пракса.
![](https://reactor.org.mk/wp-content/uploads/2023/10/20231017_105223-2024x1139.jpg)
Во вториот панел се обратија Анета Петровска – Русомароски, ЕВН Македонија; Моника Ризовска, Women in tech; Ирина Јолевска, Реактор – Истражување во акција; и Василка Салевска – Трајкова, Филип Морис интернешнл, кои зборуваа за добрите пракси во компаниите кои може да придонесат за подобрување на позицијата на жените на работното место и унапредување на родовата еднаквост на пазарот на труд.
![](https://reactor.org.mk/wp-content/uploads/2023/10/viber_image_2023-10-17_16-40-06-942.jpg)
Овој настан е организиран со финансиска поддршка од Шведска и Фондацијата Квина тил Квина. За содржината целосно е одговорен Реактор – Истражување во акција и во никој случај не ги рефлектира позициите на Шведска и Квина тил Квина.