„ГРАД ЗА СИТЕ? Родовата димензија на јавните простори” — ново истражување: авторка Milka Dokuzova, уредничка Dushica Lazova.
Иако јавниот простор треба да биде достапен и безбеден за сите, нашето ново истражување покажува дека начинот на кој се планира и уредува градот директно ја ограничува мобилноста и безбедноста на жените и девојките во Скопје.
Анализата ја истражува врската помеѓу урбанистичкото планирање, инфраструктурата и чувството на безбедност кај жените. Истражувањето се фокусира на конкретна пешачка рута што поврзува четири општини во Скопје (Центар, Кисела Вода, Аеродром и Гази Баба), анализирајќи како просторните решенија влијаат врз секојдневното движење и користење на градот.
Наодите пред сѐ покажуваат дека инфраструктурните недостатоци не се родово неутрални и дека чувството на безбедност кај жените има јасна временска и просторна димензија.
Токму затоа, вклучувањето на родовата перспектива во урбанистичкото планирање е клучно за создавање безбедни и инклузивни градови. Тоа подразбира подобрување на пешачката и велосипедската инфраструктура, зголемена пристапност до јавниот превоз, како и системско користење на родово-разделени податоци во процесите на планирање.Со ова истражување, „Реактор“ има за цел да поттикне институционален одговор и јавна дебата за тоа како да се создадат градови што навистина им припаѓаат на сите.
Целиот извештај е достапен на линкот: https://tinyurl.com/34hp22ub_______
Извештајот е кофинансиран од Kvinna till Kvinna Foundation и UK International Development. Ставовите и анализите се единствена одговорност на „Реактор“ и не нужно ги одразуваат ставовите на Kvinna till Kvinna Foundation и UK International Development.