На Меѓународниот ден на девојките во ИКТ потсетуваме дека информатичко-комуникациските технологии сè уште се сметаат за доминантно „машка“ област, а родовиот јаз во оваа сфера останува длабоко втемелен во образованието и можностите за вработување и напредување на жените и девојките.
Според податоците за 2022 од Еуростат, само 15.6% од вработените во информатичко-комуникациските технологии (ИКТ) во ЕУ се жени. Иако се забележува мал пораст од 4.4% во однос на 2021, мажите и понатаму доминираат во ИТ секторот со 84.4% застапеност.Она што сѐ уште недостасува се јасни и ефективни политики за охрабрување на родовата еднаквост во ИКТ, особено во области како програмирање и технички иновации. Еден од клучните проблеми е што мал број девојки и млади жени избираат да се едуцираат во ИКТ — и тоа не поради недостаток на интерес или способност, туку поради длабоко вкоренети стереотипи, недостиг на позитивни женски примери за следење, обесхрабрувачка средина во образовните институции, како и очекувања од околината кои ги насочуваат кон „традиционално женски“ професии.
Родовиот јаз во индустријата во светот и во РСМ е тема на истражувањето „Политики за рамномерна застапеност на жените на лидерски позиции во ИКТ-компаниите и поддршка на разновидноста” (2023) изработено од Бојана Јовановска за Brainster.
