Локалните изборни програми не се само политички декларации, туку клучни документи што ги одразуваат приоритетите, вредностите и визијата на политичките партии за развојот на локалната заедница. Тие даваат основа за идните политики, распределбата на буџетските средства и институционалните практики во мандатниот период.
На локално ниво, родовата еднаквост има изразена развојна димензија. Општинските политики и услуги влијаат различно врз жените и мажите поради нивните различни улоги, одговорности и социјални позиции. Жените, на пример, почесто се кориснички на услуги за грижа, јавен превоз и социјална заштита, а истовремено носат непропорционално поголем товар на неплатена грижа. Недоволното земање предвид на овие разлики може да доведе до политики што ненамерно ја продлабочуваат нееднаквоста.
Интеграцијата на родовата перспектива во локалните изборни програми значи преминување од декларативна поддршка кон конкретни и мерливи мерки кои се поддржани од општинскиот буџет.
Прочитајте повеќе: https://bit.ly/partiskiprogrami