Насилството врз жените и девојките (РБН) е едно од најраспространетите прекршувања на човековите права. Во Северна Македонија, РБН во сите негови манифестации останува област која претставува голема загриженост, и покрај извесниот забележителен напредок на законодавно и политичко ниво. Но, предизвиците во имплементацијата продолжуваат да постојат поради недостаток на специјализирана експертиза меѓу службениците за спроведување на законот, недостаток на општа свест и препознавање на новововедените типови РБН особено кај агенциите за спроведување на законот и вработените, несоодветното спроведување на севкупно ниво, недоволните ресурси распределени за превенција, заштита и генерално недостаток на институционален одговор.
Дополнително, РБН на јавни простори во голема мера останува недоволно истражувано во Северна Македонија. Исто така, често урбаниот дизајн и инфраструктура не ги земаат предвид различните потреби на различните жени и мажи и девојчиња и момчиња во општеството.
Со овој проект дополнително ја анализираме и предизвикуваме тековната состојба и поттикнуваме промени кои би довеле до веројатни подобрувања и ќе придонесат за побрза и поправедна трансформација на урбаната средина во која живееме сите. Веруваме дека со адресирање на контекстуалните фактори, обезбедуваме препораки засновани на докази и унапредување на мултисекторската соработка, (Ж)ГО, креаторите на политики и засегнатите страни може да развијат насочени интервенции за да се спречат и поефикасно да одговорат на РБН на јавните простори.
Општа цел (ОО):
- Изградба на безбедни и инклузивни јавни простори во Северна Македонија преку промовирање на урбанистичко планирање и подобрувања на инфраструктурата кои даваат приоритет на безбедноста на сите поединци, без разлика на родот.
Специфични цели (СО)
- Да се зајакнат капацитетите на релевантните засегнати страни, вклучувајќи ги агенциите за спроведување на законот и локалните власти, како и другите (помали) граѓански организации, за ефективно да се спречат и да одговорат на инцидентите на РБН на јавни места преку препораки засновани на докази и информирани политики и мерки.
- Застапување за подобрен институционален одговор, подобрување, правилна имплементација и спроведување на политиките и законодавството кои имаат за цел борба против РБН на јавните простори, обезбедувајќи дополнително потребно усогласување со меѓународните стандарди за човекови права и најдобрите практики.
- Зголемување на јавната свест и разбирањето за РБН на јавните простори во Северна Македонија кај различни групи на население и засегнати страни.
Овој проект е финансиран од Фондацијата Kvinna till Kvinna & UK International Developement, имплементиран од Реактор – Истражување во акција, во партнерство со Бубамара.