Со цел да ги констатираме состојбите со родовата еднаквост во Република Северна Македонија на локално ниво, изработивме Индекс на родова еднаквост на општините во Република Северна Македонија, а препораките во овој Водич произлегуваат од прегледот на состојбите кој ни го овозможи овој Индекс. Сумирано, овој Водич содржи опис на правната и законската рамка за родова еднаквост во Република Северна Македонија, образложување на Индексот на родова еднаквост на општините – што е и што покажува, како и преглед на законските механизми во општините, практични начини за мерење на состојбите, препораки за подобрување и за крај, заклучоци.
