Instituti Nacional Demokratik (NDI) po zbaton një program për fuqizimin e grave në Maqedoninë e Veriut, i njohur si #WoMenLead (Gratë dhe burrat udhëheqin), në mënyrë që të zvogëlojë pengesat individuale, sociokulturore dhe institucionale për pjesëmarrjen politike të grave në vend. Programi financohet nga Suedia, përmes Agjencisë Suedeze për Bashkëpunim dhe Zhvillim Ndërkombëtar (SIDA), dhe synon të promovojë barazinë gjinore në partitë politike, kandidatet të përvetësojnë aftësi dhe t’u sigurohet një mjedis përkrahës për të drejtuar me sukses fushatat e avokimit në nivel lokal si dhe për të zvogëluar dhunën ndaj grave në politikë.
